Hemen zaude: Hasi > Uliazpi > Helburua, ikuspena eta balioak

Helburua, ikuspena eta balioak

Uliazpiren helburu, ikuspen eta balioek erantzuna ematen diete Ezgaitasun Intelektual (AU) handia dutenen eta beren senideen premia eta nahiei.

Helburua

Gipuzkoako Lurraldean adimen-urritasuna eta laguntza-behar handiak dituzten pertsonen bizi-kalitatea hobetuko duten zerbitzuak eskaini daitezela bermatzea. Horretarako, arreta orokor eta pertsonalizatua eskaintzen dugu, gure erabiltzaileak, beren familiak eta erakunde barruko pertsonak pozik egon daitezen ahaleginduz eta sozialki arduratsua den erakunde gisa jokatuz.

Ikuspena

Erabiltzaileen eta beren familien premia eta nahiei kalitatezko erantzun bat emango dien erakunde gisa onartua izatea, jendea pozik egon dadin ahaleginduko dena eta sozialki arduratsua izango dena.

Ikuspen hori garatzeko Uliazpik honelakoa izan behar du:

• AU eta LPO duten pertsonei inolako diskriminaziorik gabe arreta eskainiko dien zerbitzua, betiere laguntza premia handienak dituzten kasuei lehentasuna emanez.
• Senideekin elkarrenganako errespetu- eta aintzatespen-harremana duen zerbitzua
• Familia-harremana, ezgaitasun intelektuala duen pertsonaren eta familiaren artekoa alegia, bultzatzen duen zerbitzua.
• Pertsona eta familia bakoitzaren premietara egokitzen den antolaketa duen zerbitzua.
• Zerbitzuko pertsonalarentzat lan-leku ezin hobea, eta arreta jasotzen duten pertsonentzat zein bere familientzat konfiantza eta gogobetetasun erabatekoa eskaintzen duen zerbitzua.
• Zerbitzuak ikerketa-lana egingo du eta lan hori irakaskuntzan nahiz praktika onetan aplikatuko da, hala zerbitzuaren barnealdera nola kanpoaldera.
• Une bakoitzean, baliabideen etekinik handiena lortuko duen zerbitzua.

Balioak

Bezeroarentzako orientabidea

Adimen urritasuna (AU) eta Laguntza Premia Orokorrak (LPO) dituztenen eta beren familien bizi-kalitatea hobetzeko ahalegina egiten du Uliazpik. Gure eginkizuna zerbitzu eta laguntza hobeak lortzea da, eta halaber, pertsonen gaitasunak, osasuna eta segurtasuna bultzatzea.

Errespetua

Uliazpik bere osotasunean eta baita praktika indibidual nahiz arretaren esparruan ere, errespetu handia erakusten du adimen urritasuna duten pertsona nahiz beren familiekiko, eta halaber, horiek babesten dituzten eskubideekiko, hala nola: berdintasuna, gizartean txertatzeko eskubidea, aukera, eta abar...

Banakako arreta

Uliazpik uste du AU duen pertsona bakoitza bakarra dela; horregatik zerbitzuak eta laguntzak ere bakoitzari egokituak izan behar dute, beren gaitasunak, premia zehatzak, egoera pertsonala eta kultura nahiz etnia desberdinak errespetatzeko. Horren guztiaren ondorio dira pertsona bakoitzari egokitutako planak.

Familiei segurtasuna ematea

Uliazpik konfiantza eta lasaitasuna eman behar die familiei, horiek etorkizunari segurtasunarekin aurre egin diezaieten.

Eskumena

Uliazpik etengabe hobetzea bilatzen du; entitate kualifikatua da, ekarpen ugari egiten ditu berrikuntzen arloan, eta gainera, gai da bere garapenerako jarrera eta teknika berriak sustatu eta bultzatzeko, izan ere Uliazpik etorkizunera begira lan egiten du.

Parte-hartzea

Uliazpik kontuan hartzen du adimen urritasuna dutenen, beren familien, pertsonalaren eta boluntarioen parte-hartzea, bere garapenaren oinarrizko ardatza baita. Eta gainera ziurtasun osoa dute guztiek dutela beren ekarpena egiteko ahalmena, eta era horretan, irtenbideak bila daitezkeela modu arduratsu eta konstruktiboan.

Konpromisoa

Adimen urritasuna duten pertsonen eta beren familien artean premia handienak dituztenekin konprometitua dago Uliazpi. Ezgaitasunaren arloko beste entitate eta zerbitzu batzuekin ere badu konpromisoa, elkarri lagundu, lankidetzan aritu eta arazoei irtenbidea bilatzekoa hain zuzen.

Eraginkortasuna

Uliazpi eraginkorra da bere eginkizunetan, eta dituen baliabideen arabera, asmo handiko helburuak ditu, baina, gainera, gizartearentzat baliagarria ere bada.

Uliazpi sekzioko azpimenua

• Zerbitzuak
• Zentroak

• Aurkezpena
• Helburua, ikuspena eta balioak
• Kudeaketa-kalitatea
• Historia
• Gobernu-batzordea
• Esteka interesgarriak