Gipuzkoako Foru Aldundiko logoa

Hzkuntzak

Letra tamaina

Lege Oharra

Uliazpi

Uliazpiko logoa

Adimen urritasuna duten pertsonen eta beren familien premia eta nahiei erantzuna ematen die.

Lagundu nahi duzu?

Gipuzkoako Foru Aldundiko logoa Uliazpiko logoa

AKTUALITATEA

Uliazpik etorkizuneko profesionalekin duen gizarte-konpromisoa

12/11/2014

Elkarrizketa Pako Mendizabalekin (Uliazpiko koordinatzaile psikopedagogikoa)
 
Pako hezkuntza-monitore gisa hasi zen Gautenan lan egiten 1987tik 1989ra, eta une horretatik aurrera psikologo eta zuzendari tekniko gisa aritu zen Burgosko Autismo Elkartean 2001. urte arte; horrekin batera, irakaskuntzan ere jardun zuen 1996. urtetik aurrera Burgosko Unibertsitatean (hezkuntza berezia, psikobiologia, arreta goiztiarra). 2001. urtetik hona, berriz, koordinatzaile psikopedagogikoaren lanpostua betetzen du Uliazpin.
 
Uliazpik, gizartearekin duen konpromisoa oinarritzat hartuta, hainbat profesionalen heziketan dihardu buru-belarri, etorkizun hurbilean horiek izango baitira adimen-urritasunaren alorrean lanean arituko direnak. Hori dela eta, heziketarako lankidetza-hitzarmen batzuk sinatuak ditugu unibertsitateekin, lanbide-heziketako zentroekin eta beste ikastetxe batzuekin, eta horri esker, praktikak egin nahi dituzten ikasleak jaso ditzakegu eta horien heziketa eta garapen profesionalean lagundu.
 
Zein da Uliazpik etorkizuneko profesionalekin duen gizarte-konpromisoa?
 
Uliazpik, adimen-urritasuna duten pertsonen (eta beren familien) bizi-kalitatea sustatzeko eginkizun horretan lan egiteaz gain, bere ezagupenak eta esperientzia gizartearekin partekatzea du helburu, eta halaber, adimen-urritasuna duten pertsonak lan-munduan txertatzen laguntzea eta, ahal duen neurrian, ingurumena eta energia-baliabideen erabilera eraginkor eta iraunkorra errespetatuak izan daitezela zaintzea. Horrenbestez, konpromiso horren zati garrantzitsu bat adimen-urritasuna duten pertsonei laguntzen dieten egungo eta etorkizuneko profesionalei heziketa eskaintzearekin loturik dago egon daitezkeen titulazio, maila eta kategoria desberdinetan, eta hala, praktiketan dauden ikasleei arreta egiteaz gain, heziketa-ekintzak eskaintzen dizkie beste entitate eta profesional batzuei, bere ezagupenak era askotako argitalpenetan plazaratzen ditu eta biltzarretan eta beste foro espezializatu batzuetan esku hartzen du.
 
Gaur egun, zenbat heziketa-hitzarmen ditu Uliazpik heziketa-erakundeekin izenpetuak?
 
Gaur egun, 30 hitzarmen baino gehiago eduki ditzake indarrean, batez ere Gipuzkoako ikastetxeekin, baina baita Bizkaia, Nafarroa edo Kataluniakoekin ere.
 
Horrelako hitzarmenek zer titulazio hartzen dute beren barne?
 
Titulazioak era askotakoak dira, baina beti urritasuna duten pertsonei laguntzearekin lotuta daude. Lanbide-heziketaren mailetatik hasi eta unibertsitate-graduetara eta are gradu-ondokoetara iristen dira, eta hala, gizarteratze-teknikariak, mendekotasunari arreta egiteko teknikariak, gizarte-hezkuntzako graduak, psikologia, erizaintza, gizarte-lana, fisioterapia eta abar besarkatzen dituzte.
 
Urtean zenbat ikasle igarotzen dira Uliazpik Gipuzkoan dituen zentro desberdinetatik?
 
Gutxi gorabehera 30 bat ikasle kudeatu ditzakegu laguntza eta tutoretza egokiak eskainiz.
 
Zer iritzi dute ikasleek Uliazpin egiten dituzten praktiken inguruan?
 
Ikasle guztiei gogobetetze-inkesta bat banatzen diegu praktika-aldia amaitzen dutenean. Horri esker, gogobetetze-maila orokorrari buruzko balioespen bat edu eta maila hori areagotzeko hobekuntza-ekintzak identifikatu ditzakegu. Gogobetetze-maila horrek 8,7 eta 9 arteko batez besteko puntuazioa gainditu du (10en artetik) azkeneko hiru urteetan.
 
Zer balioespen egiten du Uliazpik horrelako praktiken inguruan?
 
Oso ona. Alde batetik, laguntzan jardungo duten etorkizuneko pertsonen heziketa eta garapen profesionalean lagundu dezakegu eta, bestetik, interesgarria iruditzen zaigu (eta iruditzen zaie), hain zuzen ere, indarreko hitzarmenekin bat etorriz praktika akademikoak egin dituzten pertsonak Uliazpik duen lan-poltsan sar daitezkeelako aldi baterako ordezkapenak egiteko eta lan-munduan pixkanaka sartzen joan daitezkeelako.
 
Zer hobekuntza-ekintza egin beharko lirateke Uliazpik etorkizuneko profesionalekin duen gizarte-konpromisoa hobetzeko?
 
Urtero, heziketa-prozesuan hobekuntza batzuk egiten saiatzen gara, gure balioespenak eta ikasleek edo beren tutoreek egindako iradokizunak oinarritzat hartuta. Gainera, titulazioen aukera eta hitzartutako ikastetxeena zabaltzen ari gara, betiere ikasle bakoitzari etengabeko laguntza pertsonalizatua eskaintzen ahaleginduz.

Irudi-galeria

Argazkia

Lege Oharra

Gipuzkoako Atariaren logoa, gipuzkoa.net